
"Dobry přikład skutkuje na dźěći"
"Dobry přikład skutkuje na dźěći"
Lubi wopytowarjo našeje internetneje strony,
naš team horta "K wódnemu mužej" we Worklecach Was wutrobnje w našim dwurěčnym domje wita. Wjeselimy so, zo maće zajim na našim domje a na našim dźěle. Tuž dajće sej lubić!
W mjenje kolegija
Christina Měškankowa
wjednica horta




Dźěćom, kotřiž wopytaja naš hort, steja w dwuposchodowym nowotwarje sćěhowace rumnosće k dispoziciji:
- kuchnja z dźěćacej kofejownju
- dwě rumnosći za domjace nadawki
Wosom dalšich rumnosćow su po zajimach dźěći wuhotowane. Su to:
- ateljej
- snoezelowy rum
- rum za pohibowanje
- lego a twarski rum
- biblioteka z kompjuterom
- rum za klanki a za předrasćenje
- rum za hry a molowanje
Tak móža sej dźěći po swojich zajimach zaběru wupytać. Woni móža molować, paslić, rejować, so wočerstwić, sportować, z LEGO twarić a mnoho dalšeho. Hort wužiwa tež šulsku ćěłozwučowarnju, w kotrejž so přeco pjatk a w prózdninach sportuje. Ležownosće při našim hortowym domje skića našim dźěćom wšitke móžnosće za wočerstwjenje, sportowanje a zaběry.
Kontakt a wotewrjenske časy
Dźěćace dnjowe přebywanišćo "K wódnemu mužej"
Šulska dróha 5
01920 Worklecy
telefon: +49 35796 944 600
mobil: +49 152 026 238 37 abo +49 174 680 0352
mejlka: hort@raeckelwitz.de
wotewrjenske časy horta w šulskim času: wot 11:00 do 16:15 hodź.
wotewrjenske časy horta w prózdninach: wot 7:30 do 16:00 hodź.
Praktikanty
Praktikanća su pola nas w domje stajnje lubje witani.
Chcemy jim zmóžnić, so z pedagogiskom dźěłom w horće zeznajomnić a z tym dohlad do našeho skutkowanja dóstać. Wuspytaja so a nałožuja přiswojenu wědu při kubłanju.








Tak zarjaduje so popołdnjo
11:00 – 11:25 |
Přijimanje w horće Dźěći so w horće ze swojej mapku přizjewja a wotpołoža swoje drasty w garderobje.
|
11:25 - 16:15 |
Popołdnjo W našim horće dźěła so po wotewrjenym koncepće. Dźěći rozsudźa sami, z kim a w kotrej rumnosći chcedźa sej hrajkać. Přidatnje smědźa so woni na wšelakich pedagogiskich poskitkach wobdźělić a so tež na dworje a hrajkanišću zaběrać a wočerstwjeć. Cyłodnjowske poskitki zakładneje šule so w planje horta wobkedźbuja.
|
12:15 – 14:30 |
Dohladowanje při domjacych nadawkach W tutym času maja dźěći móžnosć, swoje šulske nadawki samostatnje, pod dohladom spjelnić.
|